Kahit wala siya sa okasyong naganap, lubos na ikinagalak ng mga nag-nominate (isa dito ang Sagip [Support Action Group for Indigenous Peoples]) ang parangal at pagkilala na iginawad kahapon ng Center for Environmental Concerns kay Datu Guibang Apoga, bilang “Gawad Bayani ng Kalikasan”. Napakamakahulugan ang gawad-titulong ito lalo na sa aktwal na kontekstong ginagalawan ni [...]

   Maaaring tawaging isang gulugod (backbone)—isang bayoheyograpikal na gulugod—ang buong Pantadon Range, o ang alon-along mga kabundukan ng Pantaron, mula hilaga (sa may bandang Cagayan-Agusan) pababa hanggang sa Bundok Apo (na mistulang tore at putong ng linyang-kabundukang ito), pababa pa hanggang Timog Cotabato-Sarangani. Ang gitnang bahagi ng gulugod na iyan ang malawak na lupaing ninuno [...]

Isang buong kosmolohiya ang mapapansin sa headgear na suot-suot ni Datu Guibang Apoga, ang bayani/bagani ng Pantaron. Kung tama ang pagbabasa sa signipikasyong kosmolohikal ng mga Austronesyano sa akdang Liktao at Epiko ni Zeus Salazar (2004), ang heometrikal na disenyo sa may noo ni Datu Guibang—sinuot niya ito noong makiusap kaming kunan siya ng litrato [...]

Walang ni isang pakong ginagamit sa pagawa ng isang bahay ng mga Manobo na naninirahan malapit sa kabundukang Pantaron. Uway (rattan) ang tanging nagdudugtong sa mga kahoy na bumabalangkas sa isang matatag na baloy.

Nobyembre 29 hanggang Disyembre 2: tinawid namin ng ilang kasamang katutubo ang Pantaron Range. Isang lakarang halus walang katapusan, tuloy-tuloy sa dalawang araw, mula alas-kuwatro ng umaga hanggang alas-siyete ng gabing paglalakad, tulog, at lakarang muli pagkagising. Sto. Nino ng Talaingod, Davao del Norte kami pumasok (sakay ng habal-habal ng isang oras papunta sa isang [...]